当前绿色_行业地理
    主页 > 发现影视 >【用紧原力!?】台博士生用 Apple Watch 遥控无人 >

【用紧原力!?】台博士生用 Apple Watch 遥控无人

作者: 2020-06-13收藏:284

【用紧原力!?】台博士生用 Apple Watch 遥控无人

平时玩无人机,多数都要拎住个遥控器,最少都要拎住部手机当遥控;如果唔使拎住遥控,学 Jedi 咁用原力就可以控制架机上上落落飞左飞右,你话几方便呢。台湾国立中兴大学嘅一班土木工程系博士生团队 PVD+ 就研发一种技术,畀你戴住 Apple Watch 就可以用原力控制无人机,连开灯熜灯都得呀!

PVD+ 编写咗一款名为 Dong Coding 嘅软件,可以将 Apple Watch 改写为遥控器,利用手势操控其他物件。经过 18 个月的研究及测试后,团队指技术虽然仍属初步研究阶段,遥控表现会受风力及其他环境因素影响,但已经可以应用于任何装置,包括遥控 Parrot 无人机、球(BB-8?)、以至开灯熄灯。

【用紧原力!?】台博士生用 Apple Watch 遥控无人

睇片见佢戴住 Apple Watch 举高只手,无人机就跟住向上飞;挥向左只机就飞向左、挥手向右只机就飞向右,真係好似用紧原力操控架机咁呀。又见佢画晒符咁款去开灯,原来係示範用手画个「R」就着红色灯;画「Y」就着黄色灯。佢家吓红色灯,佢家吓又黄色灯,呢啲咪创新科技同物联网啰~